《芒果係埃及文物？》
天下無不散的筵席，禾呢個gipsy人妻過客，總有一日會離開呢片蒙古鐵騎吃敗仗之地，留低幾條腳毛，然後繼續跟意佬四處漂流。到時候，除咗列入《世界七大奇蹟》嘅「吉薩金字塔」外，最令我唔捨得嘅一定係埃及嘅特產~芒果🥭🥭🥭！
好難想像喺「蘇伊士」呢度嘅羊咩咩食垃圾大，「烤乳鴿」定「烤烏鴉」亦唔容易分得清。但竟然喺東岸及尼羅河沿岸一帶蘊藏咗咁肥沃嘅土壤令埃及每年出產嘅芒果達20萬噸😱！如果你係維基尋找「芒果」，你會發現從來無人提過埃及芒果，但其實呢度既芒果既可美肌又抗癌，有粗纖維防止便秘，最緊要係咩啊？就係超多汁鮮甜有口感😍🤩😋埃及芒果當造係6-9月，所以呢幾個月除咗雞之外，終於多一樣嘢食。每日兩個，食到肚疴都照食🤣
唔知真係以為我做咗埃及芒果代言人🤪雖然唔係咩歷史文物，但難得非洲有好嘢，梗係要開咪公諸於世啦！等第時呢度嘅旅遊業穩定返啲，大家過到嚟都識得揾好嘢食😉
下圖呢一種就叫做Awees，係埃及東岸最靚嘅品種，亦係最貴，每個盛惠10埃及磅。即係幾錢？港幣5蚊雞咋喂😳，下次有機會嚟埃及試下芒果啦！
#埃及芒果
#Awees
#嫁到意大利
#生根唔落地
#好彩有芒果食
#平時真係冇啖好食
Search